Kami menerima tulisan, artikel, laporan kegiatan dan saran-saran untuk dipublikasikan ke blog Pdt. Pahala J. Simanjuntak,MTh dengan mengirim e-mail ke: psh06simanjuntak@yahoo.com .

30 Januari 2010

PSSSI

ACARA PARTANGIANGAN BONA TAON
PARSADAAN SIMANJUNTAK SITOLU SADA INA (PSSSI)
BORU-BERE, SEKTOR I SIPOHOLON
Minggu, 31 Januari 2010

1. Joujou Tu Parsaoran.
U : Selamat Taon Baru ma di hita sasude. Di bona ni taon 2010 on, marpungu do hita di bagas on manghalashon pasu-pasu ni Debata naung patariparhon hita tu taon na imbaru on. Ndang taboto dope aha na naeng masa di pardalanan ni ngolunta, dohot di pardalan ni punguan on. Alai pos do rohanta di Debata sai na toguon na do hita di pardalanan i, gabe bolas hita marlaniroha sahat ro di ujung ni taon on.
S : Mangendehon Reff : SDJ No 753
Huboto do tangkas pangouonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,
U : Jahowa do paborhathon hita mandalani taon on di bagasan lasniroha, jala di bagasan hadameon hita pataruon-Na, pangiaron ni angka dolok dohot robean soarana marolopolop di jolonta, jala nasa hau di ladang martopaptopap tangan.

2. Marende No 70 : 1 – 2

1. Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon

2. O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong



3. Votum Introitus
U : Marhitehite goar ni Debata Ama dohot anakNa Tuhan Jesus Kristus dohot Tondi porbadia na tumompa langit dohot tanoon. Amen Martopaptopap tangan ma sude hamu angka bangso! Puji hamu ma Debata mardongan soara olopolop! Ai Jahowa do na tumimbul, na songkal, Raja bolon do Ibana gumomgom liat portibi on.
H : Papatuon-Na do angka bangso tu hita dohot angka marga tu toru ni patta.Ibana do mamillit di hita pargolatanta, hatimbulon ni si Jakob, na hinaholongan-Na i.
U : Ibana do mamillit di hita pargolatanta, hatimbulon ni si Jakob, na hinaholonganna i.
H : Manaek do Debata mardongan parolopolopon, Jahowa mardongan soara ni sarune. Sai endehon hamu ma Debata! Sai endehon hamu ma Rajanta i! Endehon ma tutu!
U : Haleluya Martangiang ma hita. Ale Amanami na di banua ginjang mauliate ma rohanami di Ho, ala diloas Ho hami manalpuhon taon na buruk i, bolas hami sahat tubona ni taon na imbaru on. Sai manongtong ma Ho ale Debata di Asi ni rohaM, jala palua ma hami sian angka hagogotan, ai ndang tarlangkahon hami salangka na ture ia so Ho na mandongani hami. Joloani ma hami Tuhan di saluhut pardalanan, ulaon dohot angka program na naeng sipatupaon nami di punguan on tu taon 2010 on. Ho ma di hami jala hami ma di Ho, dibagsan Kristus Jesus Tuhannami. Amen.

4. Manjaha Ayat : I Korint 9 : 24 – 26
U : Nda diboto hamu : Ia angka na maradu, saluhutna i do nian marlojong: alai sada do na manjalo uli. Burju ma hamu marlojong, asa dapotan hamu.
H : Alai nasa na maradu, diorom do saluhutna i: angka ondeng tutu, asa dijalo tumpal na laho tumpal na laho salpu, alai di hita na so olo salpu.
U : Ia ahu, antong, ndada songon na so martujuan parlojongonku, nda tung songon na manampul alogo. Martua do na tumangihon hata ni Debata jala na umpeopsa. Amen

5. Marende No. 69 : 1 + 3
1. Jesus sai urupi hami Dohot di taon baru on
Paimbaru gogonami Mangihuthon Ho tongtong
Pasupasu ma muse Na porsea sasude
3. Taon parasinirohaon Baen di au sandok taon on
Lam pahot ma hasesaan Ni dosangku di au on
Holan Ho do Jesuski Tuk pasaehon dosangki

6. Martangiang sian Boru/Bere

7. Marende No. 63 : 1 – 2
1. Jesus Ho do sai tongtong Dihaposi rohanami
Nang di taon na’mbaru on Ingkon Ho do dongannami
Tanda hot do padan i Dibagasan mudarMi
2. Nang goarMu nang hataM Ingkon dapot do begeon
Di bagasan huriaM Na girgir lao paradehon
Roha ni ruasNa i Bahen bagasjoroMi

8. Martangiang sian Hulahula

9. Marende No 64: 5 – 6
5. Dibahen i antong hupuji Denggan basaM sadari on
Ai pineakkon rujiruji I do na dapot sai tongtong
O Jesus na marholong roha Ingkon hupuji goarMi
Dibaen saluhut denggan basa Tu ahu pinasahatMi
6. Antong asi rohaM dongani Ma au tongtong tu jolo on
Pasahat ma au musengani Tu surgo dung tos hosangkon
Na olo do au mangihuthon HataM asal mangolu au
Naeng las rohangku pararathon BaritaMi lam tu na dao.

10. Renungan



11. Marende No 585 : 1 - 2 (Papungu Pelean)

1. Somba ma Jahowa Debatanta Amen Haleluya
Sigomgom langit tano on ro diisi na Amen Haleluya
Beta hita lao, marsinggang tu joloNa
Amen Haleluya na songkal jala na badia do Jahowa
Amen Haleluya endehon Amen haleluya endehon
Amen haleluya endehon Amen haleluya endehon
Amen haleluya

2. Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Alani denggan ni basaNa tu hita, Amen Haleluya.
Endehon; “Amen Haleluya, endehon Amen Haleluya
Endehon Amen Haleluya, endehon Amen Haleluya”.

12. Tangiang Panutup

Tidak ada komentar: