Kami menerima tulisan, artikel, laporan kegiatan dan saran-saran untuk dipublikasikan ke blog Pdt. Pahala J. Simanjuntak,MTh dengan mengirim e-mail ke: psh06simanjuntak@yahoo.com .

13 Maret 2010

Khotbah

Jamita Minggu Letare 14 Maret 2010
Jesaya 54:7-10

MARLAS NI ROHA MA HAMU

1. Sada las ni roha na balga do hinilala molo adong na mangalehon semangat, dorongan dohot poda na arga tu iba molo masa sitaonon, parungkilon. Nietong do i songon mutiha na arga na so boi mago sian ngolu on. Alai na ummarga ima gabe sada pangapulion dohot panghirimon do i laho bertahan hidup di bagasan parungkilon i.
2. Jamita di Minggu letare (letare= las ni rohA) sadarion ima lumbalumba ni panurirang Yesaya tu halak Israel na tongon di habuangan i. Dihilala nasida paetna dohot posina hinorhon ni habuangan i. Alai sasintongna ndada ala ni na so mangan jala nang minum nasida di habuangan i, jala ndang i nahinolsohon nasida. Aha do? Ima panghillaan naung ditadinghon Debata. Dietong nasida naung lupa Debata tu nasida jala ndang dianturehon Debata nasida. Marlomolomo halak na asing mandok hata tu nasida hape sasintongna balik sian pangantusiaon i do na masa tu nasida. Molo di habuangan pe nasida ndang etongon nasia songon uhuman manang panjoraan tu nasida. Alai gabe bahagian ni ngolu (proses) do i na gabe parsiajaran na arga. Sipata hape ingkon alaman do na paet asa binoto mangoronghon. Sipata ingkon alaman do penderitaan asa binoto hansitna penderitaan i. Anggo so hea do dialami na hansit boha ma nasida manghatahon i? Di deba halak jolo marsahit do asa diboto hansit ni na marsahit. Jolo "kollesterolon" do asa olo mangorui tabotabo ni saksang i.
3. Asa ido na pinaingot ni si Jesaya tu bangso i asa unang nasida mandele di situasi na nialamannasida. Sandok jonok do Debata di tongatonga nasida. Mardalan do nasida rap dohot Debata. Tongotong dope dipamasa Debata tanda halongangan di tu nasida di habuangan i. Masa dope tanda halongangan songon napinamasa ni Tuhan Jesus di huta Kana, aek gabe anggur. Sandok unang ma nasida mandele jala tongtong ma marpanghirimon tarlumobi marhaporseaon tu Debata, asa jumpang las ni roha i.
4. Di pardalanan ni ngolunta di portibion tabolus do godang hasusaan, sipata do hasusaan i mambahen hita marsak, madele, dohot roha na mangopu. Alai marhite hata ni Tuhanta sadarion mandok: satangkirisap lelengna, sesaat lamanya. Lapatanna ndada satorusna na hansit i mandondoni ngolunta. Godang do cara ni Debata mangurupi hita asa haruar sian hamaolon i. Keputusasaan tidak kata akhir dalam hidup ini, tetapi kata akhir adalah berharap dan percaya kepada Allah. Di balik duka pasti ada sukacita. 'berkat dalam sengsara. blessing in this guise. Sengsara membawa nikmat ninna film Midun di tahun 90-an.
5. Ala ni i las ma rohanta ala nunga ru Tuhanta Jesus tu portibion laho mangondihon hita, nunga diporsan sahitta jala disesa nang dosanta. Di naung sahat hita tu minggu-minggu passion, sitaonon ni Tuhan Jesus gabe silas ni roha dohot haluaon do di angka na porsea i. Amen.

Tidak ada komentar: